Осы бөлім аграрлық распискалардың айналымындағы бизнес-процестерді автоматтандыруға арналған және Қазақстан Республикасы Парламенті Мәжіліс депутаттарының бастамасымен ұсынылған заң жобасы «Аграрлық распискалар туралы» негізінде жасалған.

Аталған заң жобасы АПК субъектілері үшін қаржыландыру мүмкіндігін арттыру мақсатында, болашақ егінді кепілге қою және басқа кепіл түрлері – тауарлық немесе қаржылық аграрлық расписка негізіндегі жаңа несиелеу құралын енгізуге бағытталған.

Аграрлық распискалардың иелерінің Мемлекеттік электрондық реестрін (бұдан әрі – Реестр) құру және жүргізу Қазақстан Республикасы Ауыл шаруашылығы министрінің жарлығымен белгіленген тәртіпте жүзеге асырылады.

Реестр деректер қорларына қолжетімділік Qoldau.kz веб-порталы арқылы аграрлық распискалардың иелеріне, ауылшаруашылық тауар өндірушілеріне, сондай-ақ Қазақстан Республикасы Ауыл шаруашылығы министрлігі мен жергілікті атқарушы органдар қызметкерлеріне, егер оларда Қазақстан Ұлттық куәландыру орталығы берген заңды тұлғаның электронды цифрлық қолтаңбасы болса, қамтамасыз етіледі.